O Grupo
A ORIXE
As “coanhadeiras” eran en algunas zonas, as personas (ou a mesma basoira empregada) para separar e recoller os restos que quedaban na aira nas “mallas”.
Esta Coanhadeira musical nace en Ourense no ano 2006, tratando tamén de recoller eses restos da “malla” que sofre a nosa cultura musical, restos sempre aproveitábeis. Xurde inicialmente como grupo de “gaiteiros”, cunha base e sons eminentemente tradicionais, tanto na formación como nos “escearios” percorridos, chámense festas, romarías e demais eventos lúdico-musicais.
A transformación e a adaptación se cadra están na mesma base da tradición, mais este principio non é sempre ben interpretado. No noso caso, a formación clásica dalgún de nós e a experiencia doutros na música tradicional e folc, mestúranse coas inevitábeis e insconcentes influenzas musicais actuais de todo tipo. Engádense instrumentos “non tradicionais”, e sérvese todo cun claro entimento de pertenza a unha cultura diferenciada, demasiado rica e valiosa como para renunciar ás súas peculiaridades, e sen necesidade doutros “engadidos” .
__________________________________________________________________________________
PRINCIPAIS EVENTOS E ACTUACIÓNS
ANO(s) 2006-2007
Festival “Son do Vento”, Melón; Festival Internacional “4All”- Cuba- Portugal, maio 2007; III Noites Folk na Ribeira Sacra, Esgos – Ourense; Festival da Língua “En Movimento” Campus Universitario Ourense, maio de 2007; Festival Folc Muiños – Ourense.
Actuacións Pubs / Locais: Asoc. Cultural “A Esmorga”, Ourense ; Pub O Turco, Ourense; Café Cultural Auriense, Ourense; Romaría etnográfica Raigame – Vilanova dos Infantes, Ourense. Musicalización da obra de títeres “Os Barballocas”, marzo de 2007.
Grupo gañador da Sección Folk no I Concurso “Nsaio no Camiño”, organizado pola Conselleria de Xuventude e Vicepresidencia da Xunta de Galicia. Participación no Programa de Actividades “Domingos de Lecer”, organizado polo Concello de Ourense en decembro do 2007.
Gravación na Radio Galega da primeira maqueta do grupo, e presentación da mesma no programa “Lume na Palleira” (nadal 2007).
ANO 2008
Colaboración na Gala Inaugural e de Clausura do XII Festival Internacional de Cine Independente de Ourense.
Grupo gañador do Xl Concurso Folk “Radio Obradoiro” en marzo de 2008 (froito do cal é a gravación do seu primeiro CD “HAIQUE”).
Participación no Festival Intercéltico de Ortigueira, como finalistas no escenario “Runas”, para grupos noveis.
Participación na “Rede Galega de Música ao Vivo” (concertos por todo o país, Cervo, Allariz, Ourense, Redondela, Bueu, Cariño, …)
Concerto nas Festas da Ascensión en Santiago de Compostela, e nas Festas do Corpus en Ourense.
Concerto en directo no programa “Lume na Palleira”, da TVG (dispoñibel na web da RTVG) Diversas actuacións en festivais e vilas por todo o país: Festival da Chaira, Baltar (A Pastoriza), “Nsaio no Camiño” en Palas de Rei (Lugo), Traba-Folk (Laxe-A Coruña).
Segundo premio no Concurso Folk estatal “Folkez Blai” de Ermua (Bizkaia).
ANO 2009
Gañadores do concurso folk internacional “IV Escenario PRAU 2009”, en Colindres-Cantabria.
Lanzamento do primeiro traballo discográfico do grupo “HAIQUE” – Xuño 2009
Participación no Festival Internacional “Sauga Folc”- Colindres, Cantabria.
Presentación do disco HAIQUE no programa “Luar” da TVG.
Mini-xira por Portugal, dentro do programa “Oralidades” no que participa o Concello de Ourense, visitando as localidades de Idanha a nova, Évora e Mértola (xullo 2009).
Xira de presentación por diversos festivais e localidades de todo o país no verán: Festival Vila de Covas (Viveiro), V Foliada da Mariña (Xove), IV encontro de folk do cabo da vila (Muxia), Festival de verán Budiño (O Porriño).
Participación no circuito “VAI DE VERÁN 2009”, nos concellos de Celanova, Forcarei, Arbo eRibadavia.
Actuación “Festa da Empanada” de Allariz e en Vila Real (Portugal).
Participación no programa galaico-portugués Outonalidades.
Presentación do seu segundo traballo discográfico “Po”, en Colindres (Cantabria).
